آسٹریلوی کپتان مچل مارش کو آئی سی سی ٹی ٹوئنٹی ورلڈ کپ کے لیے فٹ قرار دے دیا گیا ہے۔
کرکٹ آسٹریلیا کے مطابق آل راؤنڈر مچل مارش سپر ایٹ مرحلے میں بولنگ کرا سکیں گے۔
مچل مارش آئی پی ایل کے دوران زخمی ہوئے تھے لیکن ٹی ٹوئنٹی ورلڈ کپ کے پہلے میچ میں انہیں بیٹنگ کے لیے فٹ قرار دیا گیا تھا۔
اس حوالے سے مچل مارش کا کہنا تھا کہ مجھے باؤلنگ کرنے کی اجازت مل چکی ہے اور ہو سکتا ہے بولنگ کی ضرورت نہ پڑے۔
مچل مارش نے کہا کہ اس وقت بولنگ لائن اپ کے ساتھ سب کچھ ٹھیک چل رہا ہے۔
سپر ایٹ مرحلے میں آسٹریلیا اور بنگلہ دیش کے درمیان میچ 21 جون کو شیڈولڈ ہے۔
