پھالیہ میں مبینہ انسانی اسمگلر نے گرفتاری کے لئے آئی ایف آئی اے کی ٹیم پر حملہ کردیا

پھالیہ میں مبینہ انسانی اسمگلر نے گرفتاری کے لئے آئی ایف آئی اے کی ٹیم پر حملہ کردیا اور دو اہلکاروں کو یرغمال بنا کر تشدد کیا اور شدید ہوائی فائرنگ کرتے ہوئے فرار ہو گئے
پھالیہ کے علاقہ جاگو کلاں میں ایف آئی اے لاہور کی ٹیم نے مبینہ انسانی اسمگلر جبران کی گرفتاری کے لیے چھاپہ مارا تو ملزم نے ساتھیوں سمیت ایف آئی اے ٹیم پر حملہ کردیا اور شدید ہوائی فائرنگ شروع کردی ، ملزمان نے ایف آئی اے کے دو اہلکاروں کو یرغمال بنا کر بدترین تشددکا نشانہ بھی بنایا ، اطلاع ملنے پرمقامی پولیس موقع پر پہنچ گئی اور یرغمال بنائے گئے اہلکاروں کو بازیاب کروالیا جبکہ ملزمان فرار ہونے میں کامیاب ہوگئے ، پولیس کا کہنا ہے کہ زخمی اہلکاروں کو طبی معائنہ کے لئے ڈسٹرکٹ اسپتال منتقل کردیا گیا ہے جبکہ سترہ ملزمان کے خلاف انسداد دہشت گردی ایکٹ سمیت مختلف دفعات کے تحت مقدمہ درج کرلیا ہے ، پولیس ذرائع کے مطابق دو ملزمان کو گرفتار کرلیا گیا ہے اور دیگر کی گرفتاری کے لئے چھاپے مارے جارہے ہیں