قوم میں جذبہ آگیا تو 10 ہزار ارب ٹیکس جمع ہوسکتا ہے

وزیراعظم پاکستان عمران خان نے قوم سے اپنے خطاب میں کہاہے کہ پاکستان کا قرض 6 ہزار سے 30 ہزار ارب تک پہنچ گیا، پاکستانی قوم سب سے کم ٹیکس اور سب سے زیادہ خیرات دیتے ہیں، ٹیکس ادائیگی کے بغیر ملک ترقی نہیں کر سکتا، عوام سے لیا ہوا آدھا ٹیکس قرض کی قسط میں چلا جاتا ہے، حکومت کے پاس جو معلومات ہیں وہ پہلے کسی حکومت کے پاس نہیں تھیں۔ وزیراعظم کا کہنا تھا ٹیکس نہیں دیں گے تو ہم ملک کو اوپر نہیں اٹھا سکتے، جب تک کوئی قوم اپنی حالت بدلنے کی کوشش نہ کرے اللہ بھی اس کی حالت نہیں بدلتا، پاکستانی قوم باصلاحیت ہے، جذبہ آگیا تو 10 ہزار ارب ٹیکس جمع کرسکتی ہے، 30 جون کے بعد اثاثے ظاہر کرنے کا موقع نہیں ملے گا۔