اقوام متحدہ کے سیکریٹری جنرل انتونیوگوتریس نے کہا ہے کہ داعش کے پاس لڑنے کے لئے تین سوملین ڈالرہیں، داعش کی سرگرمیوں میں وقفہ عارضی ہوسکتا ہے لیکن یہ انتہاپسند گروپ دوبارہ ابھرنے کی کوشش کررہا ہے۔انتونیوگوتریس کا کہنا تھا کہ داعش نئے دہشت گرد حملے کرسکتا ہے، داعش کے جنجگوؤں کی شام کے علاقوں میں دوبارہ جمع ہونے کی اطلاعات ہیں۔
یاد رہے ترک صدر رجب طیب اردوگان نے شام سے مکمل طور پر داعش کے خاتمے کے لیے بڑے پیمانے پر آپریشن کی تیاری شروع کردی ہے ، جس کا مقصد خطے سے عسکریت پسندوں کا خاتمہ ہے۔