بل گیٹس دوبارہ سابقہ اہلیہ سے شادی کے خواہش مند

مائیکروسافٹ کے بانی بل گیٹس نےسابقہ اہلیہ ملینڈا کے ساتھ دوبارہ شادی کی خواہش کا اظہار کر دیا ۔دی سنڈےٹائمز کو دیئے گئے انٹرویو میں بل گیٹس نے سابقہ اہلیہ ملینڈا سے دوبارہ شادی کی خواہش کا اظہار کرتے ہوئے کہا کہ ہمارے درمیان بچوں کے بڑے ہونے اور گھر چھوڑنے کے بعد زندگی میں تبدیلی علیحدگی کا باعث بنی ۔ دوبارہ شادی کے کرنے کے متعلق سوال پر ان کا کہنا تھا کہ وہ اور کسی سے شادی کا انتخاب نہیں کریں گے اور اس حوالے سے کوئی پلاننگ نہیں کی لیکن اگر دوبارہ شادی ہوئی تو وہ ملینڈا کا انتخاب کریں گے ۔یاد رہے کہ گزشتہ برس 27 سال ایک ساتھ رہنے کے بعد بل گیٹس اور ملینڈا نے علیحدگی کا فیصلہ کیا تھا۔