پاکستان نے کراچی کی ملیر جیل میں قید 20 بھارتی ماہی گیروں کو سزا مکمل کر نے کے بعد بھارت روانہ کر دیا۔
تفصیلات کےمطابق سمندری حدود کی خلاف ورزی کرنے والے20 ماہی گیر 2018 سے ملیر جیل میں قید تھے۔ ماہی گیروں کو روانگی سے قبل ایدھی فاؤنڈیشن کی جانب سے کپڑے اور نقدی بھی فراہم کی گئی ۔
ماہی گیروں کو پولیس کی نگرانی میں لاہور واہگہ بارڈر روانہ کیا گیا ہے جہاں انہیں بھارتی حکام کے حوالے کیا جائے گا۔
رہائی پانے والے ماہی گیروں کو پاکستانی اداروں کی جانب سے سمندری حدود کی خلاف ورزی پر گرفتار کیا گیا تھا۔
