جامعہ کراچی کے باہر چینی اساتذہ کو نشانہ بنانے والے خود کش حملہ کیس کے ملزم داد بخش کی عینی شاہد نے عدالت میں شناخت کر لی
تفصیلات کے مطابق کراچی کی مقامی عدالت میں جامعہ کراچی کے چینی اساتذہ کی ریکی کرنے والے ملزم داد بخش کو پیش کیا گیا۔خود کش دھماکے میں زخمی ہونے والے عینی شاہد نے عدالت میں ملزم کی شناخت پریڈ کا عمل مکمل کیا۔
تفصیلات کے مطابق عدالت میں ملزم کے علاوہ دیگر10 ڈمی افراد کو بھی کھڑا کیا گیا جس کے بعد عینی شاہد نے ملزم داد بخش کو پہچان لیا اور اس کی شناخت کی ۔
عینی شاہد نے عدالت کو بتایا کہ ملزم حملے سے قبل بھی جامعہ کراچی میں آیا تھا۔ تفتیشی افسر نے عدالت کو بتایا کہ ملزم نے جامعہ کراچی کے چینی اساتذہ کی ریکی کی تھی ۔