سپریم کورٹ نے عام انتخابات کیس کے تحریری حکم نامے میں کہا ہے کہ عمیر نیازی بظاہرجمہوری عمل ڈی ریل کرنےکی کوشش کےمرتکب ہوئے
تفصیلات کے مطابق سپریم کورٹ نے عام انتخابات کیس کا 6 صفحات پرمشتمل تحریری حکم نامہ جاری کر دیا۔
سپریم کورٹ نے بیرسٹرعمیر نیازی کو نوٹس جاری کرکے وضاحت مانگ لی ہے ، کیوں نہ آپ کیخلاف توہین عدالت کی کارروائی کی جائے۔
حکم نانے میں کہا گیا کہ سپریم کورٹ کاحکم واضح تھا کوئی بھی جمہوری عمل میں خلل نہیں پیدا کرے گا، عمیر نیازی جمہوری عمل ڈی ریل کرنےکی کوشش کےمرتکب ہوئے۔
سپریم کورٹ نے ہائیکورٹ کا فیصلہ معطل کردیا، آج ہی انتخابی شیڈول جاری کرنے کا حکم
تفصیلی فیصلے میں کہا گیا کہ ہائیکورٹ نے2753ڈی آراوز،آراوزاور اے آر اوز کا کام روک دیا، لاہورہائیکورٹ نے بیک جنبش قلم انتخابی عمل کوڈی ریل کردیا۔
حکم نامے کے مطابق ڈی آراوزاورآراوزکوخاص طورپرانتخابات کیلئے تعینات نہیں کیا گیا،تعینات کیے گئے افسران پہلے سے ہی بطور انتظامی افسر فرائض انجام دے رہے ہیں۔
لاہورہائیکورٹ کا فیصلہ معطل کیا جاتا ہے۔سپریم کورٹ نےلاہورہائیکورٹ کودرخواست پرمزید کارروائی سے بھی روک دیا۔
