اسلام آباد، مسلم لیگ (ن) کے رہنما خواجہ آصف نے کہا کہ نواز شریف کی ہی قیادت رہے گی اور فیصلے بھی ان کے ہوں گے۔
پارلیمنٹ ہاؤس میں میڈیا سے گفتگو کرتے ہوئے خواجہ آصف نے کہا کہ ہنسی آتی ہے کہ وہ لوگ مطالبہ کر رہے ہیں جنہوں نے 5،5 جماعتیں تبدیل کی ہیں۔
عمر ایوب کل تک نواز اور شہباز کے نعرے لگاتے تھے آج وہ تحریک انصاف کے لیڈر ہیں جبکہ پی ٹی آئی کے وفادار لیڈر سائڈ لائن ہیں۔
خواجہ آصف کا کہنا تھا کہ نواز شریف کی ہی قیادت رہے گی اور فیصلے بھی نواز شریف ہی کریں گے، اس چیز کا بھی امکان ہے کہ نواز شریف کو پارٹی صدارت دی جائے۔
