اسلام آباد، سابق نگران وزیراعظم انوار الحق کاکڑ نے بھی سینیٹ کا الیکشن لڑنے کیلئے کاغذات نامزدگی جمع کرادیئے۔
الیکشن کمیشن کے حوالے سے بتایا کہ کوئٹہ سے اب تک ایک امیدوار نے کاغذات نامزدگی جمع کرائے ہیں۔
انوار الحق کاکڑ کے کاغذات نامزدگی سینیٹر دنیش کمار نے جمع کروائے ہیں۔
واضح رہے کہ 2 اپریل کو ہونے والے سینیٹ کے انتخابات کیلئے کاغذات نامزدگی جمع کرانے کا آج آخری روز ہے، کاغذات نامزدگی کی سکروٹنی 19 مارچ تک مکمل کی جائے گی جبکہ 21 مارچ کو کاغذات نامزدگی منظور یا مسترد ہونے کیخلاف اپیلیں دائر کی جاسکیں گی اور 25 مارچ تک ٹریبیونل کیجانب سے اپیلوں پر فیصلے کئے جائیں گے۔