پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ ڈونلڈ لو اب سب چیزوں سے پیچھے ہٹ رہا ہے۔
راولپنڈی میں میڈیا سے گفتگو کرتے ہوئے پاکستان تحریک انصاف کے چیئرمین بیرسٹر گوہر نے کہا کہ ڈونلڈ لو کے بیان پر اسد مجید کو اپنا مؤقف دینا چاہیے۔
ان کاکہنا تھا کہ کئی گھنٹے ہو چکے مگر اسد مجید کی طرف سے کوئی بیان نہیں آیا۔
بیرسٹر گوہر نے کہا کہ اسد مجید کے ماضی کے بیان میں تھا کہ میری ڈونلڈ لو سے میٹنگ ہوئی تھی، لیکن کل ڈونلڈ لو نے اسد مجید سے ملاقات کا ذکر بھی نہیں کیا۔
بیرسٹر گوہر نے کہا کہ ڈونلڈ لو اب سب چیزوں سے پیچھے ہٹ رہا ہے اس لیے ہم دوبارہ سے سائفر کے معاملے کی تحقیقات کا مطالبہ کرتے ہیں۔
بیرسٹر گوہر کا کہنا تھا کہ بطور سیاسی جماعت مذاکرات کے دروازے کھلے ہیں، ہائیکورٹ کی آئینی ذمہ داری ہے کہ وہ ٹرائل کورٹ کے ٹرائلز کا نوٹس لے۔
