بھارتی میڈیا کے مطابق اداکارہ کی شادی سے متعلق انتظامات مکمل ہو چکے ہیں جبکہ کنگنا نے تا حال اس خبر کو میڈیا سے خفیہ رکھا ہوا ہے۔
میڈیا رپورٹس کے مطابق ریڈٹ (Reddit) صارف نے پوسٹ میں کنگنا رناوت کے قریبی ذرائع کا حوالہ دیتے ہوئے انکشاف کیا کہ اداکارہ بہت جلد شادی کے بندھن میں بندھنے والی ہیں۔
انہوں نے اپنی شادی کے جوڑے کے لیے ڈیزائنر سے بھی رابطہ کر لیا ہے۔
صارف کا کہنا تھا کہ کنگنا رناوت اپنی شادی کے دن ساڑھی زیب تن کریں گی جس کے لیے انہوں نے بھارتی فیشن انڈسٹری کے انتہائی غیر معمولی فیشن ڈیزائنرز کا انتخاب کیا ہے۔
صارف نے اپنی حذف شدہ پوسٹ میں دعویٰ کیا تھا اداکارہ کے ملبوسات کی تیاری آخری مراحل میں ہے۔
دوسری جانب ریڈٹ اور بھارتی میڈیا پر تاحال کنگنا رناوت کے دولہے سے متعلق کسی بھی قسم کی کوئی معلومات فراہم نہیں کی گئی ہیں۔
