بھارتی جیل میں قید ایک اور پاکستانی جان کی بازی ہار گیا

  بھارتی جیل میں ایک اورپاکستانی ماہی گیرزندگی کی بازی ہارگیا۔ ترجمان فشرمین کوآپریٹو سوسائٹی کا کہنا ہے کہ محمدسہیل ولد عبدالرشیدنامی مچھیرا اپنی لانچ پر02 اکتوبر 2016 کو مچھلی کے شکار کے لیے گہرے سمندر میں گیا۔ جہاں اسے بھارتی فورسیزنے گرفتارکرلیا۔ بھارتی جیل میں جاں بحق ہونے والاماہی گیرمحمدی کالونی کراچی کا رہنے والا تھا، ترجمان فشر مینز کوآپریٹو سوسائٹی کا کہنا ہے کہ بھارتی جیل میں جاں بحق ہونے والے ماہی گیر کی لاش تین سے چار روزبعد وطن پہنچ جائے گی۔ ترجمان کے مطابق تاحال بھارتی جیلوں میں 108پاکستانی ماہی گیر قید و بند کی صعوبتیں برداشت کر رہے ہیں۔