امریکی وزیر دفاع کا کہنا ہے کہ غزہ میں اب تک 25 ہزار سے زائد خواتین اور بچے مارے جاچکے ہیں۔
امریکی وزیر دفاع لائیڈ آسٹن کانگریس اجلاس میں شریک تھے جس میں رکن کانگریس روکھنا نے ان سے غزہ میں اسرائیلی حملوں کے نتیجے میں مارے جانیوالے فلسطینیوں کے بارے میں پوچھا۔
امریکی وزیر دفاع نے تصدیق کی کہ غزہ میں 7 اکتوبر سے اب تک اسرائیلی حملوں کے نتیجے میں 25 ہزار سے زائد خواتین اور بچے مارے جاچکے ہیں۔
رکن کانگریس نے کہا کہ وزیر دفاع لائیڈ آسٹن اس حوالے سے اعداد و شمار نہیں دے سکے ہیں کہ امریکا نے اب تک کتنا جنگی سازوسامان اسرائیل کو منتقل کیا ہے، اس حوالے سے امریکی وزیر دفاع نے بتایا کہ میں توقع کرتا ہوں کہ جب ہم جنگی سازو سامان اپنے اتحادیوں کو فراہم کرتے ہیں تو وہ اسے جوابی ردعمل میں استعمال کریں گے۔