واشنگٹن، امریکی صدر جوبائیڈن نے کہا ہے کہ غزہ میں امداد کی شدید قلت کے پیش نظر فضا سے خوراک اور امدادی سامان گرانے کا فیصلہ کیا گیا۔
امریکی صدر جوبائیڈن نے قیدیوں کے تبادلے کے معاہدے پر فوری جنگ بندی کا مطالبہ بھی کردیا۔
اسرائیلی حملے میں 100 سے زائد فلسطینی شہادتوں کے بعد امریکہ نے زمینی و سمندری راستوں سے اشیاء ضرورت پہنچانا شروع کردی۔
عالمی ادارہ صحت کے مطابق فلسطینی امداد کی تلاش میں اپنی زندگیوں کو خطرے میں ڈال رہے ہیں۔
واضح رہے کہ اسرائیلی حملوں میں اب تک 30 ہزار سے زائد فلسطینی شہید ہوچکے ہیں جبکہ اسرائیلی بمباری میں 7 اسرائیلی قیدی مارے جا چکے ہیں۔