پاکستان کی سینئر اداکارہ بشریٰ انصاری کا کہنا ہے کہ زیادہ تعداد میں جانور پالنے سے اچھا ہے کہ انسان یتیم بچے کی پرورش کرلے۔
حال ہی میں بشریٰ انصاری نے ایک ویڈیو پیغام جاری کیا جس میں انہوں نے ساتھی فنکاروں کا ذکر کیا جو بے اولاد ہیں یا پھر جو شادی نہیں کرنا چاہتے لیکن والدین کی ذمہ داریاں نبھانا چاہتے ہیں، ایسے افراد جنہیں پالتوں جانوروں کا شوق ہے وہ اگر کوئی یتیم بچہ پال لیں تو وہ انہیں 4 یا 5 سال بعد سلام کرنا شروع کردے گا۔
سینئر اداکارہ نے ایک شخص کا تذکرہ کرتے ہوئے کہا کہ اس نے 29 بلیاں پالی ہوئی ہیں، روز کا امپورٹڈ کھانا کھاتی ہیں اور کم از کم خرچہ 3 سے 4 لاکھ ماہانہ ہو جاتا ہے، میرا عوام کو حدیقہ کیانی کی طرح یہی مشورہ ہے کہ جانور پالنے کے بجائے کسی یتیم بچے کو گود لے لیں۔
