کراچی ، 2 روز قبل گھگھر پھاٹک کے قریب پانی کی مین لائن میں گرنے والی بچی کی لاش نکال لی گئی۔
بچی کی لاش نکالنے کیلئے کیے جانے والے ریسکیو آپریشن میں پاک بحریہ کے غوطہ خور، ریسکیو رضاکار اور واٹر کارپوریشن کی ٹیم نے حصہ لیا۔
ایکسیئن واٹر کارپوریشن کے مطابق بچی کی لاش وقوعہ سے 2 کلومیٹر دور لائن سے ملی، اس وجہ سے اتوار سے دھابیجی پمپنگ اسٹیشن پانی کی سپلائی بند تھی۔
ایکسیئن واٹر کارپوریشن نے بتایا کہ سپلائی بند ہونے کے باعث بن قاسم، فیوچر کالونی اور بھینس کالونی کے علاقے متاثر رہے جب کہ بچی کی لاش ملنے کے بعد پمپنگ اسٹیشن سے پانی کی فراہمی بحال کردی گئی ہے۔
