وفاقی وزیر خزانہ محمد اورنگزیب سے پاکستان میں تعینات امریکی سفیر ڈونلڈ بلوم کی ملاقات ہوئی۔
ملاقات میں پاکستان اور آئی ایم ایف کے درمیان قرض پروگرام پر تبادلہ خیال کیا گیا۔
پاکستان اور آئی ایم ایف جائزہ مشن کے درمیان اقتصادی جائزہ مذاکرات مکمل ہوگئے، ملاقات میں آئی ایم ایف کیساتھ موجودہ اسٹینڈبائی ارینجمنٹ کی تکمیل پر امریکی حمایت کا بھی تذکرہ ہوا۔
ذرائع کے مطابق پاکستان اور امریکہ کے درمیان باہمی دلچسپی کے شعبوں میں تعاون بڑھانے کا عزم بھی ظاہر کیا گیا، وزیر خزانہ نے امریکی سفیر کو آئی ایم ایف کیساتھ بات چیت میں پیشرفت سے آگاہ کیا۔