راولپنڈی، پی ٹی آئی کے رہنما عمر ایوب عمران خان سے ملنے راولپنڈی جیل پہنچ گئے۔
پولیس نے عمر ایوب سے کہا کہ آپ کی گاڑی اڈیالہ جیل میں نہیں جاسکتی ہے، عمر ایوب نے جواب دیا کہ میرے پاس ملاقات کیلئے عدالتی حکم نامہ ہے، اسکے ساتھ ہی عمر ایوب نے پولیس اہلکاروں کو عدالتی حکم نامہ دکھایا۔
عمر ایوب نے کہا کہ عدالتی حکم نامے کے باوجود عمران خان سے ملاقات میں روڑے اٹکائے جارہے ہیں، دوسری جانب سابق وفاقی وزیر نورالحق قادری بھی عمران خان سے ملاقات کیلئے اڈیالہ جیل پہنچ گئے۔