اسلام آباد، قومی ایئرلائن پی آئی اے نجکاری میں بڑی رکاوٹ دور ہوگئی۔
قومی ایئرلائن پی آئی اے کے گروی رکھے گئے اثاثوں پر بینکوں سے معاملات طے پاگئے ہیں اور ٹرم شیٹ تیار کر لی گئی۔
بینکوں کیجانب سے رواں ہفتے این او سی جاری ہونے کا امکان ہے جس سے قومی ایئرلائن کے اثاثے واپس مل جائیں گے اور نجکاری ہوسکے گی، بینکوں کا قرضہ 10 سال تک واپس نہیں کیا جائے گا اور 12 فیصد کی شرح سے منافع دیا جائے گا جب کہ منافع بخش ادارہ بننے پر ڈیویڈنڈ سے بینکوں کا قرضہ واپس کیا جائے گا۔
پی آئی اے کے 51 فیصد شیئرز کی نجکاری ہوگی اور پی آئی اے خریدنے والی پارٹی کو 51 فیصد سرمایہ کاری کرنا ہوگی۔
