اسلام آباد، پی ٹی آئی کی کور کمیٹی کے اجلاس میں وکلا کی کارکردگی پر تحفظات کا اظہار کیا گیا ہے۔
گزشتہ روز پی ٹی آئی کی کور کمیٹی اجلاس میں ممبران کور کمیٹی نے لطیف کھوسہ کے بانی پی ٹی آئی کے کیسز میں پیش نہ ہونے پر تحفظات کا اظہار کیا۔
کور کمیٹی اجلاس میں لطیف کھوسہ نے مؤقف اپنایا کہ قانونی امور پر ہدایات لینے اڈیالہ گیا تھا، لطیف کھوسہ کے مؤقف پر کور کمیٹی ممبران نے کہا کہ آپ کا مؤقف تسلی بخش اور آپ کے قد کے مطابق نہیں۔
کیس میں پیش ہونے کی بجائے اڈیالہ جانا تھا تو درخواست لکھ کر جاتے، کورکمیٹی نے وکلا قیادت اور لیگل ٹیموں کو مکمل تیاری کیساتھ عدالتوں میں پیش ہونے کی ہدایت جاری کی۔
