ریاض، آرمی چیف جنرل عاصم منیر نے سعودی عرب کا سرکاری دورہ کیا اور سعودی قیادت سے ملاقات کی۔
آئی ایس پی آر کے مطابق آرمی چیف نے سعودی ولی عہد شہزادہ محمد بن سلمان سے ملاقات کی۔
دونوں رہنماؤں نے علاقائی امن و سلامتی، دو طرفہ دفاع اور سیکورٹی تعاون سمیت باہمی دلچسپی کے امور پر تبادلہ خیال کیا، ملاقات میں شہزادہ خالد بن سلمان بن عبد العزیز آل سعود، اعلیٰ عسکری قیادت اور دیگر معززین موجود تھے۔
سعودی ولی عہد شہزادہ محمد بن سلمان نے کہا کہ سعودی عرب اور پاکستان کے تاریخی برادرانہ اور مضبوط تعلقات ہیں اور دونوں ممالک ہمیشہ ایک دوسرے کیساتھ کھڑے رہے ہیں، آرمی چیف نے پاکستان کیلئے گرمجوشی کے جذبات اور حمایت پر سعودی قیادت کا شکریہ ادا کیا۔